Բոլշևիկներն ընդդեմ բոլշևիզմի

Լraber.info-ն գրում է.

Երևանի ավագանու ԵԼՔ խմբակցության նախաձեռնությունը ` վերանվանել բոլշևիկների անունները կրող փողոցները, թափ չի առնում, ավելի շատ քննարկվում ու քննադատվում է: Օրերս պարզ դարձավ, որ կարծես ավագանիում ԵԼՔ-ի մրցակից Երկիր Ծիրանին էլ դեմ չէ այդ նախաձեռնությանը: Նախաձեռնության հանդեպ թերավահատությունը պայմանավորված է ոչ թե բուն նախաձեռնության բովանդակության, այլ հարակից այլ հանգամանքների հետ: Եվ հենց այս հանգամանքները հաշվի չառնելն ու համառորեն փողոցների վերանվանման թեման շրջանառելն են, որ թերահավատություն են ներշնչում, ինչի արդյունքում նախաձեռնությունը բացի քարոզչական ալիքից այլ դրսևորում չի ստանում:

Որոնք են այդ հանգամանքները: Նախ, Հայաստանում այսօր չկա հնի ու նորի, սովետականի ու անկախ Հայաստանի միջև հակասությունների, արժեքային բախումների դրսևորումը հանրության շրջանում: Չկա սովետի հանդեպ ակնհայտ ատելություն, ընդհակառակը կամաց-կամաց սովետական շրջանը հիշվում է որպես համեմատաբար մոդեռնիստական ու արդյունաբերական շրջան, ի տարբերություն ներկայիս Հայաստանի, որտեղ արդիականությունից միայն ազատ խոսքի իրավունքն է առկա: Սրան հակառակ, Հայաստանում կա ռեալ դժգոհություն ռուսական քաղաքականությունից: Խոսքը և ԵԱՏՄ-ի ու այնտեղ հայտնվելու Հայաստանի առեղծվածային մեկ գիշերվա մասին է, և ադրբեջանցիներին զենք վաճառելու, և Հայաստանի սուվերենությանը անընդհատ խառնվելու: Այս դժգոհությունը առկա է թե քաղաքական շրջանակներում, թե հասարակական, ընդհուպ մինչև կենցաղային, երբ օրինակ տեղի էր ունենում Էլեկտրիկ Երևանը:

Եվ հիմա, եթե կա ուժ, որն իսկապես ցանկանում է Հայաստանում մտքի ու արժեքների, միաժամանակ նաև ռեալ իրավիճակի ու քաղաքականության փորձ անել, պիտի սկսի դրանից: Բելոռուսում սովետական սիմվոլները կառավարման սովետական ավանդույթներից շատերի հետ ներդաշնակորեն պահպանվում են, բայց Լուկաշենկոն կարողանում է իրեն թույլ տալ Պուտինին կոշտ հակադարձումներ տալ: Հայաստանում, եթե փողոցները վերանվանվեն, դրանից Սերժ Սարգսյանի կամ Նիկոլ Փաշինյանի դիրքերը չեն ամրապնդվելու ռուսների հետ պաշտոնական շփումներում:

Ընդ որում, ԵԼՔ-ը կարծես թե սկսել էր խնդրի իրական արմատներին դիպչել, երբ կցկցտուր խոսակցություն գնաց ԵԱՏՄ-ից դուրս գալու գործընթացի մասին: Սակայն հետո գործընթացը արգելակվեց ու հենց այդ ժամանակ օրակարգ մտավ փողոցների վերանվանման թեման, որի քարոզչական նպատակը ԵԱՏՄ-ից դուրս գալու նախաձեռնության շուրջ ԵԼՔ-ում կոնսենսուսի բացակայությունը քողարկելն ու ռեալ քաղաքական հարցը սիմվոլներ փոխելու հարցով ռոտացիա անելն էր, ինչը կարծես թե վատ չի ստացվում: Փաշինյանը վերջիվերջո տարիներ շարունակ երկրի գլխավոր նյուզմեյքերներից է եղել:

Անաստաս Միկոյան

 

 

Loading...
loading...
ԱՄՆ-ն պատրաստ է ԿԺԴՀ-ի հետ հակամարտության ռազմական լուծմանը. Թիլերսոն Մեկ օրում գրանցված մարմնական վնասվածք հասցնելու 8 դեպքից բացահայտվել է 5-ը Նյու Յորքում հայ նկարիչների ցուցահանդեսի հասույթը կտրամադրվի Զինծառայողների ապահովագրության հիմնադրամին ԵՄ-ի երկրների ղեկավարները հաստատեցին անցումը Brexit-ի շուրջ բանակցությունների երկրորդ փուլին Հանրային խորհրդում քննարկվել է «Բարձրագույն կրթության մասին» ՀՀ օրենքի նախագիծը «Մեղրի» ազատ առևտրի գոտին ԵԱՏՄ-ի, ԵՄ-ի, Իրանի հետ բիզնեսը զարգացնելու շատ լավ հարթակ է. ՀՀ վարչապետ Ռուսաստանն ու Եգիպտոսը վերականգնում են օդային հաղորդակցությունը Սիսիանում շմոլ գազից թունավորման դեպք է գրանցվել ՀՀ ԱԻՆ ՓԾ քաղաքացիական պաշտպանության վարչությունը նախանշեց 2018թ.-ի հիմնական աշխատանքները Ռուս սահմանապահները հայ-թուրքական սահմանի սահմանային պահակակետերի արդիականացման աշխատանքներ են իրականացնում Վարչապետի ներկայությամբ տրվել է Մեղրի ազատ տնտեսական գոտու գործունեության մեկնարկը Երուսաղեմում բախումներ են տեղի ունեցել ցուցարարների և ոստիկանների միջև Իսպանիայի ֆուտբոլի հավաքականը աշխարհի առաջնությանը մասնակցելու իրավունքից զրկվելու վտանգի տակ է Զոհվածների փառաբանման միջոցառում՝ Երկրապահում ՀՀ ՀՔԾ-ն ապօրինի անտառահատումների քրգործով մեղադրանքներ է առաջադրել 5 ղեկավար պաշտոնատար անձանց Բադալյանների ընտանիքը շարունակում է ավանդական դարձած բարեգործական նախաձեռնությունը Խորհրդարանական վերահսկողությունը կոչված է ապահովել բաց և թափանցիկ հանրային կառավարում. Ռուստամ Մախմուդյան Հայտնի են «Օրգանական գյուղատնտեսական զարգացում» 2017-2018 ծրագրի մրցույթի հաղթողները Երևանի քաղաքապետի շնորհակալագրեր՝ բարեխիղճ տնտեսվարողներին Կանցկացվի «Բաց դռների օր» առողջապահական ակցիա
website by Sargssyan