Հայր և դուստր Սահակյանների կտավները ցուցադրվեցին մեկ հարթակում

«Հորինվածք», «Ռենուար. աղջկա դիմանկարը», «Ախթամար», «Կանայք», «Պրոլետարներ բոլոր երկրների», «Տեսողություն». այս խորագրերն են կրում նկարիչներ Համբարձում Սահակյանի և Լուսինե Բրայթշայդլ Սահակյանի կտավները: Հոր և դստեր գեղանկարչական աշխատանքների ցուցահանդեսը բացվեց սեպտեմբերի 12-ին Հայաստանի նկարիչների միությունում:

«Լուսինեն ինձ համար իսկապես հայտնագործություն էր, և ես շատ ուրախացա և միևնույն ժամանակ զարմացա` տեսնելով նրա կտավները: Ուրախությանս պատճառն այն է, որ Լուսինեն շատ գեղեցիկ նկարներ է ստեղծել, զարմացա, որ, չունենալով նկարչուհու մասնագիտական կրթություն, նա կարողացել է այդքան նրբաճաշակ աշխատանքներ ստանալ»,- նշեց  Հայաստանի նկարիչների միության նախագահ Կարեն Աղամյանը:

Անդրադառնալով Համբարձում Սահակյանին`Աղամյանն ասաց, որ ինքը նրան վաղուց գիտի և միշտ հրճվել է նրա յուրօրինակ, մեղմ,  ասելիքով լի կտավներով:

«Նա մեզ ևս մեկ անգամ  մատուցում է գեղեցիկ արվեստ` ներկայացնելով իր վերջին տարիների ստեղծագործությունները: Սիրում ենք Համբարձումի համեստությունը, ազնվությունը»,-եզրափակեց Աղամյանը:

Նկարիչ Խաչիկ Ազիզյանը շեշտեց, որ Փ. Թերլեմեզյանի անվան գեղարվեստի ուսումնարան ընդունվելիս քոլեջի պատին տեսել է Սահակյանի դիպլոմային աշխատանքը: «Գյուղական պատկեր էր, հրաշալի կտավ, որն ինձ չափազանց տպավորեց ու մինչ օրս հուզմունքով եմ հիշում այդ ստեղծագործությունը: Կարծում եմ` նա մեր առաջադեմ նկարիչներից է»,-ընդգծեց Ազիզյանը:

Ըստ Համբարձում Սահակյանի` կյանքը դեռ առջևում է: 

«Սպասում եմ լավ օրերի, որոնց անպայման մասնակից եմ ուզում դառնալ:  Պետք է առաջ քայլել դեպի լույսը, ստվերները հետևում թողնել, տաքություն, ջերմություն գտնել, մարդկանց սիրել, գուրգուրել, փայփայել: Այս ամենն արտահայտել եմ այս կտավներում ու նկարելիս միայն դրական երևույթների մասին եմ մտածել»,-շեշտեց նա:

Խոսելով դստեր մասին` նկարիչն ասաց, որ Լուսինեն  մասնագիտությամբ բժիշկ է, բայց 2005 թվականից սկսել է նկարել: «Ես հորդորեցի, որ նա հաճախի Մյունխենի գեղարվեստի մասնավոր ակադեմիա ու կրթություն ստանա, հմուտ նկարչուհի դառնա: Հպարտանում եմ նրանով ու շատ ուրախ եմ, որ միևնույն հարթակում ենք հանդես գալիս»,-ընդգծեց Սահակյանը:

Ցուցահանդեսին ներկա էին նկարչի հարազատները, գործընկերներն ու արվեստասերներ: Լուսինե Սահակյանը ներկա չէր, քանի որ բնակվում է Գերմանիայում:

Loading...
loading...
Կրիս Կոուլմանը գլխավորել է Սանդերլենդը Սաակաշվիլին հայտարարել է Ուկրաինայի նոր վարչապետ դառնալու պատրաստակամության մասին Նորվեգիայի թագավորին հոսպիտալացրել են վարակի պատճառով Կևին Դե Բրույնեն ԱՊԼ-ի կիսապաշտպանների ռեկորդ է սահմանել Հունաստանում ջրհեղեղի հետևանքով զոհերի թիվը հասել է 20-ի Մուգաբեն համաձայնել է հրաժարական տալ Զիմբաբվեի նախագահի պաշտոնից Կլաուդիո Ռանյերին կարող է գլխավորել Իտալիայի հավաքականը Ինքնասպանության փորձ Արարատի մարզում. 19-ամյա աղջիկը ցած է նետվել կամրջից Թուրքիան շարունակում է ռազմական տեխնիկա տեղափոխել սիրիական Իդլիբ նահանգ Տիագո Սիլվա. Խոսել եմ Կոուտինյոյի հետ, հույս ունեմ նա անակնկալ կմատուցի ՊՍԺ-ին Մադագասկարում վարակի պատճառով մահացության դեպքերի թիվը հասել է 171-ի Ադրբեջանը շահագրգռված է ԼՂ հարցի շուտափույթ կարգավորմամբ. Ալիևը՝ Լավրովի հետ հանդիպմանը Սերխիո Ռամոս. Հազար անգամ արյունաքամ կլինեի «Ռեալի» խաղաշապիկի համար Զիմբաբվեի գահընկեց նախագահ Մուգաբեն հացադուլ է հայտարարել Սիրիական բանակին հաջողվել է ամբողջությամբ ազատագրել Աբու Քամալ քաղաքն իսլամիստ գրոհայիններից Բասկետբոլի հավաքականը սկսել է նախապատրաստվել Եվրոպայի առաջնության ընտրական փուլի հանդիպումներին ՌԴ, Իրանի և Թուրքիայի ԱԳ նախարարներն Անթալիայում պայմանավորվածություններ են ձեռք բերել Սիրիաի հետ կապված բոլոր հարցերի շուրջ Հունաստանում հեղեղումների հետևանքով զոհերի թիվը հասել է 19-ի Սարգիս Ադամյանը դարձել է գոլի հեղինակ Հրշեջները մարել են ՀՀ խոտածածկ տարածքներում բռնկված հրդեհներ
website by Sargssyan