Մի՞թե սա է մակարդակը... (տեսանյութեր)

Այսօր մեկնարկել է Երևանի ավագանու 2-րդ նստաշրջանի առաջին նիստը։ Ավագանու նիստերը, ինչպես միշտ, անցնում են անչափ  «կոնստրուկտիվ»՝ լեզվակռիվների և քաղաքական բանավեճի իսպառ բացակայության մթնոլորտում. Այս նիստը նույնպես բացառություն չէր: Տեղի ունեցավ լեզվակռիվ ավագանու ՀՀԿ-ական անդամ Արմեն Սահակյանի և «Ելք» խմբակցության անդամների միջև: Քննարկման ժամանակ Սահակյանը սկսեց Անահիտ Բախշյանին դիմել «պարոն Բախշյան», «Անո» անուններով: Սա առաջացրեց «Ելք» խմբակցության անդամ Ալեն Սիմոնյանի վրդովմունքը: Նա հորդորեց Երևանի քաղաքապետ Տարոն Մարգարյանին՝ կարգի հրավիրել ՀՀԿ ավագանուն: Տարոն Մարգարյանը պահանջեց բոլորից լռել և չխանգարել նիստի ընթացքը։ Բայց, կարծես թե Սահակյանի համար քաղաքապետի խոսքը զգաստանալու առիթ չհանդիսացավ. Սահակյանը շարունակեց այժմ էլ  «արա, էյ»-ով դիմել Ալեն Սիմոնյանին։ Փաստորոն, ավագանու ՀՀԿ-ական անդամը չունի այն կուլտուրան, որը պահանջում է հարգել իր դիմաց կանգնած կնոջը և թեև ընդդիմադիր, բայց գործընկերոջը, այն կուլտուրան, որն, ի տարբերության իրեն՝ ուներ Ալեն Սիմոնյանը: Կրքերը չհանդարտվեցին նաև նիստից հետո, կարծես եղած միջադեպը բավարար չէր ավագանու հեղինակությունը սասանելու համար: Արդեն միջանցքում իրար հետ հարաբերություններ պարզելով էլ աչքի ընկավ «Ելք»խմբակցության անդամ Անի Խաչատրյանը, ով պատրաստվում էր «առանց օֆ անելու երկու մատով խեղդել» ՀՀԿ-ական Հովհաննես Ավանեսյանին: Թերևս, Անի Խաչատրյանը մի փոքր աղավաղված պատկերացում ունի քաղաքականության մեջ կանանց դերի և պատգամի մասին՝ ասում են կանայք շատ ավելի խաղաղասեր են, ասել է թե՝  երկու մատով խեղդելիս գոնե օֆ կանեն...

Այնպիսի տպավորություն է, որ ավագանու անդամները հաճախ մոռանում են որտեղ են գտնվում և ինչպիսի գործառույթներ է դրված իրենց ուսերին: Երևանցիներն ավագանի են ընտրել քաղաքի առջև ծառացած խնդիրների լուծումները ստանալու նպատակով և հույսով, իսկ արդյունքում ականատես են լինում էժանագին շոու- ներկայացումների և ավագանու նիստերը շուկայի հետ շփոթած ավագանու անդամների լեզվակռիվներին: Սա կարևորագույն քաղաքական հարթակ է, որտեղ քաղաքական ուժերը պետք է իրագործեն իրենց քաղաքական պոտենցիալի եթե ոչ ամբողջ, ապա առնվազն՝ զգալի մասը, հենց այստեղ նրանք պետք է ցույց տան ինչի են ունակ, սակայն այդ հարթակի մակարդակն այնքան ցածր է, ի սկզբանե այնքան ցածր նշաձող է դրվել այս կառույցի գործունեության հիմքում, որ անգամ միջանձնային հարաբերություններում չեն գործում հանրության կողմից ընդունված նորմերը՝ մեծ ու փոքր, կին, տղամարդ չեն ճանաչում...Մի՞թե սա է մակարդակը...

 

Ստելլա Խաչատրյան

Loading...
loading...
ԵԺԿ առաջնորդները և ԵՄ բարձր պաշտոնյաները կհանդիպեն Բրյուսելում՝ նախապատրաստելու ԱլԳ գագաթնաժողովը Նոյեմբերի 21-ին մայրաքաղաքում ծնվել է 62 երեխա Չեմպիոնների լիգա. ՊՍԺ-ն գոլերի ռեկորդ սահմանեց խմբային փուլում Ջիգարխանյանին շտապ հոսպիտալացրել են. նա չի կարողանում քայլել Հայաստանում 2017-ին տնտեսական ակտիվության ցուցանիշի աճի տեմպերն առավել բարձր են նախորդ տարվա համեմատ Սոչիում կայացել է Պուտին-Ռոհանի-Էրդողան հանդիպումը Թուրքիայի հարավ-արևմուտքում երկրաշարժ է գրանցվել Նախագահը աշխատանքային այցով կմեկնի Բելգիայի Թագավորություն Ղրղզստանի նախագահը փոխվարչապետ է նշանակել Արթիկի, Ապարանի, Սպիտակի և Դիլիջանի ավտոճանապարհներին թույլ ձյուն է տեղում Չեմպիոնների լիգա. Իգոր Ակինֆեեւի հակառեկորդը չշարունակվեց 44-րդ խաղում ՄԱԿ-ում Լիբանանի հարցով համակարգող են նշանակել Բակո Սահակյանը հանդիպել է Ֆրանսիա-Արցախ բարեկամության շրջանակի անդամների հետ Հայաստանի մի շարք ավտոճանապարհներին մերկասառույց է Ձերբակալված սաուդյան արքայազններին խոշտանգում են. Daily Mail Էլեկտրաէներգիայի պլանային անջատումներ Երեւանում եւ հինգ մարզերում Աֆղանստանում «Թալիբանի» 9 թմրանյութերի լաբորատորիաներ են ոչնչացվել Շրջանառության մեջ են դրվել 2017 թ. թողարկման «Նոյյան տապան» ՀՀ հավաքորդական թղթադրամները (Photo) ՊՍԺ-ն գերխոշոր հաշվով հաղթեց, «Յուվենտուս»-«Բարսելոնա» խաղն ավարտվեց ոչ-ոքի. Չեմպիոնների լիգա Բերլուսկոնին Իտալիայի դեմ ՄԻԵԴ-ում դատական հայց է ներկայացրել
website by Sargssyan