Սփյուռքի հայագիր և օտարագիր գրողների համաժողովին քննարկվեցին գրականության ոլորտում առկա խնդիրները

Գրողն ի վիճակի է փոխել մի ամբողջ հասարակություն, և այսպիսի համաժողովների նպատակը մեր գաղափարական մտածողությունը,  առանց վախենալու կարելի է ասել մեր երկրի ժողովրդի ապագան համակարգելն ու կարգավորելն է: Այս մասին հոկտեմբերի 9-ին Սփյուռքի հայագիր և օտարագիր գրողների համաժողովին ասաց Հայաստանի սփյուռքի նախարարի տեղակալ  Սերժ Սրապիոնյանը:

«Ինչպես ասել է Պարույր Սևակը. «Ժողովուրդը չի ծնում անհատներին, անհատներն են ծնում  ժողովրդին»: Անշուշտ, իրենց  գաղափարներով, համահավաք մտածողությամբ, իրենց խորքային մոտեցումներով: Ուստի պետք է պահել այդ անհատներին և գնահատել նրանց»,- նշեց Սրապիոնյանը:

Սփյուռքահայ գրող Յակոբ Պալեանի խոսքով՝ համաժողովն ունի մեծ դեր և նշանակություն, սակայն, իր կարծիքով, ի սկզբանե պետք է գրողների փոքր խմբեր ստեղծվեին, ընտրվեին թեմաներ, որոնց շուրջ գրողները քննարկումներ կիրականացնեին, խնդիրներ առաջ կքաշեին  ու կփորձեին դրանց լուծման ճանապարհներ առաջարկել: 

«Համաժողովի այս տարբերակն այնքան էլ արդյունավետ չէ, քանի որ մինչև հինգ մարդ ելույթ է ունենում դու,  որքան էլ լավ հիշողություն ունենաս, չես կարողանում մտքում պահել նախորդների ասածները: Լավ կլիներ, որ մեզ տրվեր հնարավորություն կանխավ ծանոթանալ զեկույցներին, ներկայացվող թեմաներին, կարդացած գալ, կարծիք հայտնել: Առանց դրա առաջընթաց չի լինի»,-ընդգծեց նա:

Անդրադառնալով  օտարագիր գրողներին՝ Պալեանը շեշտեց, որ որքան էլ ինքը սիրի ու հավանի Ֆրանց Վերֆելին, որը հայերին վերաբերող խնդիր է բարձրաձայնում իր ստեղծագործությամբ, միևնույն է, դրանով Վելֆելը հայ գրականության ներկայացուցիչ չի դառնում: 

«Ըստ իս՝ հայ գրականության անցագիրը հայոց լեզուն է: Գրականությունը, ստեղծագործությունը պատկանում է այն լեզվին, որով արտահայտվում է: Մի ֆրանսիացի իմաստուն մարդ ասել է, որ բառերի ժառանգությունը գաղափարների ժառանգություն է, հետևաբար բառը գաղափար  է փոխանցում, այն իր իմաստն ունի»,-եզրափակեց գրողը:

Արցախից Հայաստան ժամանած երիտասարդ գրող Վան Նովիկովն ասաց, որ համաժողովին, նախևառաջ, գրականության ոլորտում առկա խնդիրներն ուրվագծվեցին: «Հետագայում որքանով այդ խնդիրների լուծումները գործնական տեսքի կբերվեն, չեմ կարող ասել, բայց միայն այն, որ մենք հասու ենք դառնում Սփյուռքում տեղի ունեցող գրական գործընթացներին, արդեն իսկ լավ է: Դա ինձ համար մեծ նշանակություն ունի, քանի որ ինքս շատ եմ հետաքրքրվում Սփյուռքի գրական կյանքով ու ցավով եմ նշում, որ  հայապահպանության տեսանկյունից այնտեղ բազում բացեր կան»,-նշեց նա:

Խոսելով Արցախի գրական առօրյայի մասին՝ Նովիկովն ընդգծեց, որ  բազմաթիվ հասուն գրողներ  կարծում են, որ Արցախի ժամանակակից գրականության մեջ տեղի ամենօրյա կյանքը գրեթե բացակայում է: 

«Դա լուրջ խնդիր է. կարդալով արցախցու ստեղծագործությունները՝ Երևանի կամ այլ քաղաքի, երկրի բնակիչը  չի կարող լավ պատկերացում կազմել  այն մասին, թե Արցախն ինչպես է ապրում, ինչով են զբաղվում տեղի երիտասարդները, ինչ են սիրում, և ինչն է նրանց մտահոգում: Սակայն գրական կյանքը մեզ մոտ եռում է: Հոկտեմբերի առաջին  օրերին Արցախում «Մուրացանյան օրեր» կազմակերպվեցին: Կային մասնակիցներ տարբեր զորամասերից, դպրոցներից, գրադարաններից: Մեզ մոտ իրականացվում են գրական միջազգային փառատոներ: Դրանք Արցախի, Հայաստանի ճանաչմանն են նպաստում»,-ավարտեց գրողը:

Համաժողովին զեկույցներով հանդես եկան Պետրոս Դեմիրճյանը, Վարդան Դևրիկյանը, Սուրեն Աբրահամյանը, Սաթենիկ Ավետիսյանը, Վարդան Հակոբյանը, Քնարիկ Աբրահամյանը և այլք: Մասնակցեցին 17 երկրից Հայաստան ժամանած 46 գրողներ: Նրանք եկել էին  Ամերիկայից, Գերմանիայից, Ֆրանսիայից, Ռուսաստանից, Անգլիայից, Իսրայելից, Կիպրոսից, Վրաստանից, Իրանից և այլ օտար երկրներից: Համաժողովի թեման «Ժամանակակից հայ գրողներն ու գրականությունը 21-րդ դարի մարտահրավերների առջև»: Համաժողովը մեկնարկել է հոկտեմբերի 8-ին և կավարտվի 12-ին:

loading...
Գագիկ Ծառուկյանի խոսքը ինչպես միշտ համակցվեց գործի հետ Մեղադրական եզրակացությամբ ավարտվել է կաշառք ստացած ոստիկանների վերաբերյալ քրգործի նախաքննությունը Գագիկ Ծառուկյանն իր անձական կապերն ու հարաբերություններն օգտագործում է ի շահ Հայաստանի և Արցախի Գագիկ Ծառուկյանը ստեղծեց առիթը և հնարավորություն ընձեռեց տեսնել իրական Արցախը Դեկտեմբերի 18-ին՝ ժամը 20:00-ից 21:30-ը կդադարեցվի երթևեկությունը Տիգրան Մեծի պողոտայից և Նալբանդյան փողոցից դեպի Հանրապետության հրապարակ ընկած հատվածները Եվրոպայի պահպանողականների և ռեֆորմիստների դաշինքի անդամներն այցելել են Ծիծեռնակաբերդ Հայաստանում ջերմաստիճանը կբարձրանա 4-6 աստիճանով Գագիկ Ծառուկյանի կազմակերպած արցախյան այցի նշանակությունը Գագիկ Ծառուկյանի ազգանվեր գործունեությունը շարունակվում է Կանցկացվի «Բաց դռների օր» առողջապահական ակցիա Նոր խթան՝ Արցախի ճանաչմանը Դեկտեմբերի 15-17-ը մայրաքաղաքում ծնվել է 186 երեխա Ծեծում է 9-ամյա որդին, բռնաբարում է ամուսինը. բռնության ենթարկված հայ կանանց կյանքի շոկային պատմությունները Իսրայելի պաշտպանության նախարարը կոչ է արել վերանայել տնտեսական հարաբերությունները Թուրքիայի հետ Ֆուլ Հաուս 7-ի «հեփի էնդն» ու Միհրան Ծառուկյանի նոր տեսահոլովակը Աղջիկները շատ են ամաչում խնդրել իրենց տղամարդուն անել դա… (ՇՏԱՊ)․ Ծեծի են ենթարկել Գագիկ Շամշյանին Միլենա Վարդանյանը սրանով ապացուցում է,որ սաունայում տղամարդկանց հետ հաճախ է լինում.Ահա,թե ինչ հմտորեն է նա... Հյուսիսային Ամերիկայում տարիներ առաջ գտած ջրահարսը ուսումնասիրություններից հետո նորից ծովում է Մահից մի քանի վայրկյան առաջ.Թույլ նյարդեր ունեցողներին խորհուրդ չի տրվում նայել
website by Sargssyan