«Ֆիգարոյի ամուսնությունը» սկանդալային կատակերգությունը նոր շունչ կստանա երևանյան բեմում

 
 

 Ֆրանսիացի նշանավոր թատերագիր, 18-րդ դարի ֆրանսիական ռեալիստական կատակերգության ներկայացուցիչ Պիեռ Օգյուստեն Կարոն դը Բոմարշեի պիեսի հիման վրա բեմադրված «Ֆիգարոյի ամուսնությունը» ներկայացումը ժամանակակից, հետաքրքիր, անսպասելի  լուծումներով կներկայացվի Հ. Ղափլանյանի անվան դրամատիկական թատրոնում:

Բեմադրության առաջնախաղը տեղի կունենա այսօր՝ նոյեմբերի 17-ին:

Այս մասին «Արմենպրես»-ի թղթակիցը զրուցել է ներկայացման ռեժիսոր Գրիգոր Խաչատրյանի, դերակատարներ Գագիկ Մկրտչյանի, Լիդիա Գրիգորյանի հետ:

«Այս պիեսը սկանդալային է համարվել, քանի որ այն դասակարգային խնդիրներ է առաջ քաշում: Արգելված էր հակաֆեոդալական ազատամտության համար: Սակայն չեմ կարծում, որ մեր օրերում նման խնդիր կա: Ինձ գրավում է, որ «Ֆիգարոյի ամուսնությունը» պատկանում է դասական կոմեդիայի ժանրին, ունի դասական կառուցվածք: Պիեսում կա ծավալ,  որը թատրոնի դերասանին, ռեժիսորին հնարավորություն է տալիս երևակայության, շարժման տեսանկյունից ճկուն, ակտիվ ներկայացում բեմադրել և խաղալ»,-նշեց Խաչատրյանը:

Ռեժիսորը ցանկացել է բեմում կատարվող գործողությունները, զանազան իրավիճակները գեղեցիկ պարային շարժումների միջոցով ներկայացնել: Այդ նպատակով հրավիրել է պարուսույց Արիկ Ասատուրյանին, ում օգնությամբ նոր, հետաքրքիր լուծումներ է գտել: «Յուրաքանչյուր ներկայացում ունի մի կետ, տեղ, որի վրա հնարավոր է հենվել: Այս գործի այդ կետը Ֆիգարոյի հարսանյաց  շքերթի տեսարանն է: Այդ հատվածում դեռ վաղ ժամանակներից սկսած բեմադրիչները ցանկացել են բալետ ստանալ, պարեր՝ հարսանիքի ժամանակ: Մենք փորձել ենք ողջ ներկայացումը դրա վրա կառուցել»,-ասաց բեմադրիչը:

Ռեժիսորի խոսքով` «Ֆիգարոյի ամուսնությունը» հումորային, ինչ-որ չափով ցինիկ պար է, վոդևիլ: «Այն ավելի շատ զավեշտալի, ֆարսային բեմադրություն է, քան կատակերգություն:

Եթե ներկայացումը դիտելու գան մարդիկ, որոնք, ելնելով ինչ-որ նախապաշարմունքներից, կարծրատիպերից, ցանկանում են փնտրել և գտնել իրենց պատկերացրած Ֆիգարոյին, որին տեսել են քառասուն տարի առաջ, ապա չեն գտնի:

Մենք բեմադրել ենք այնպես, ինչպես տեսել ենք պիեսը: Բնականաբար ուրիշ մեկը այլ կերպ կբեմադրի»,-շեշտեց Գրիգոր Խաչատրյանը:

Ֆիգարոյին մարմնավորած դերասան Գագիկ Մկրտչյանն ասաց, որ Ֆիգարոն ինքն է առօրյա կյանքում: «Իհարկե, բժիշկ չեմ, դեղագործ կամ սափրիչ չեմ, բայց իմ մասնագիտություններն էլ քիչ չեն: Ֆիգարոն ունի կողմեր, որոնք նաև ես ունեմ: Նա որոշ չափով նման է ինձ. ինձ համար և’ հեշտ է, և’ դժվար այդ դերը խաղալ»,-խոստովանեց դերասանը:

Նա ընդգծեց, որ Ֆիգարոն իր խաղացած ամենամեծ և պատասխանատու դերն է: Գագիկ Մկրտչյանին հանգստացնում է այն փաստը, որ այն, ինչ ինքը կարողացել է անել, լիարժեք բավարարում է ռեժիսորին:

«Մարդկանց մեծամասնությունը ցանկանում է տեսնել մատչելի գործեր, որոնք դյուրըմբռնելի են: Իրականում թատրոն գալով պետք է դիտել ներկայացում, որը հետո մտածելու, խորհելու տեղիք կտա: Մեր բեմադրության մեջ դասական գործի հանդեպ նորարարական մոտեցում կա: Տիեզերական, տարօրինակ նոտաներ չկան, պարզապես նորովի ենք մտածել, ինչը, կարծում ենք, անսպասելի է հանդիսատեսի համար»,- ասաց Մկրտչյանը և հավելեց, որ ստեղծագործական թիմը մեծ սիրով է աշխատում:

Գլխավոր հերոսուհիներից մեկի` Ֆիգարոյի հարսնացու Սյուզանի կերպարը կերտած դերասանուհի Լիդիա Գրիգորյանը նշեց, որ դերասանուհին իրեն լավ է զգում բեմում, եթե լավ ներկայացման մեջ է ընդգրկված. կարևոր չէ կատակերգություն է, դրամա, մելոդրամա, դասական, թե ժամանակակից ստեղծագործություն:

[gallery id= 59894]

«Ամեն անգամ որակյալ ներկայացման մեջ հանդես գալով` ավելի ես մասնագիտանում քո գործում, ավելի ես բացում հոգիդ ու ճանաչում ինքդ քեզ` քո մեջ հայտնաբերելով տարբեր հատկություններ, որոնք առաջ չես նկատել, բայց որոնք կան ու թաքնված են եղել:

Ինձ հետաքրքիր է բեմում հայտնվել տարբեր իրավիճակներում: Թատրոնի բեմն ինձ համար կյանք է, որով ապրում եմ: Պետք է մի գաղտնիք բացեմ. երբեմն բեմում ինձ ավելի լավ եմ զգում, քան կյանքում»,-նշեց դերասանուհին:

Խոսելով «Ֆիգարոյի ամուսնությունը» ներկայացման մասին` դերասանուհին շեշտեց, որ համացանցով դիտել է այդ պիեսի հիման վրա տաբեր ժամանակներում և  տարբեր երկրներում բեմադրված ներկայացումներ: Նա կարծում է` Գրիգոր Խաչատրյանը բավականին համարձակ բեմադրություն է արել, և դասական ներկայացումների երկրպագուները գուցեև դժվարությամբ ընկալեն այն: «Մարդու ենթագիտակցության մեջ նստած է, որ դասական պիեսներին չի կարելի դիպչել: Այնինչ, իրականում, դրանք շատ պարզ են և հենց պարզության մեջ է նման ստեղծագործությունների հանճարեղությունը»,-շեշտեց Լիդիա Գրիգորյանը:

Նա խոսեց նաև իր կերպարի` Սյուզանի մասին: Ըստ նրա` Սյուզանն առանձնապես կենսագրություն չունի, դերասանի համար շահեկան տեսարաններ, այսինքն՝ կերպարը դերասանի հնարավորությունները լիարժեք բացահայտելու և դրանք ներկայացնելու հնարավորություն չի տալիս: «Սյուզանն ինտրիգային կերպար է՝ առանց որի խելահեղ օրը չէր կայանա: Մենք ներկայացրել ենք  կենսուրախ, արևային նապաստակի պես թռվռան աղջնակի, որն իր ետևից կտանի բոլորին: Ես ինձ իսկապես բեմում այդպես եմ զգում` թեթև, ուրախ»,-եզրափակեց Լիդիան:

Ներկայացման նկարիչը Շամիր Շախիրյանն է, զգեստների նկարիչը` Մերի Սարգսյանը, պարուսույցը՝ Արիկ Ասատուրյանը: Բեմադրության մեջ ընդգրկած են նաև դերասաններ Արտաշես Մխիթարյանը, Նարինե Պետրոսյանը, Լուսինե Հարությունյանը, Նիկոլայ Ավետիսյանը, Լիդա Լևոնյանը, Էմմա Մկրտչյանը, Էրիկ Սարգսյանը, Կարեն Միրիջանյանը, Արա Գևորգյանը:

 

Կցանկանայի, որ շատերն իրենց հավատարմությամբ նմանվեին Իվետա Տոնոյանին. Գ. Ծառուկյան «ԱԺ Ծառուկյան խմբակցությունը կողմ կքվեարկի Արմեն Սարգսյանի թեկնածությանը. Գ.Ծառուկյան 98 տարեկանում մահացել է հոլիվուդյան հայտնի դերասանուհի Նանետ Ֆաբրեյը Հայտնաբերվել եւ առգրավվել է տարբեր տեսակի զենք եւ զինամթերք (ֆոտո) Ջեյմի Կարագեր. Պոգբան չի կարող դառնալ թիմի առանցքը Արցախում 55-ամյա տղամարդու դի է հայտնաբերվել հրազենային վնասվածքով Վիլյամ Սարոյանի տուն-թանգարանի նախագիծը ներկայացվել է Ֆրեզնոյի քաղաքապետին Աղվան Հովսեփյանի անունը չի հնչում «Մայրաքաղաք» հաղորդաշարի անդրադարձը «Ճանաչիր ինձ» ծրագրին ԵԱՏՄ-ին ՀՀ-ի անդամակցության ընթացքում դեպի ՌԴ արտահանումն աճել է ավելի քան 250 տոկոսով Բացահայտվել է կեղծ ոսկու գրավադրմամբ խարդախությամբ բանկից գումարների հափշտակությամբ զբաղվող հանցավոր խումբ Մոուրինյո. Ինձ չի անհանգստացնում Լուկակուի գոլազուրկ խաղը առաջատարների դեմ Արցախի հետ շփման գծում ադրբեջանական զինուժն այս շաբաթ կիրառել է 60 միլիմետրանոց ականանետ Նախագահ Սերժ Սարգսյանը ստորագրել է Ազգային ժողովի ընդունած մի շարք օրենքներ Հայերը Ղարաբաղում ադրբեջանական գերեզմանները եւ հուշարձանները չեն ոչնչացրել. Ադրբեջանցի բլոգեր Հրդեհ Երևանում․ հանրակացարանից 60 բնակիչ է տարհանվել Սարգիս Ադամյանի գոլն օգնել է «Յան Ռեգենսբուրգ»-ին անհավանական հաղթանակ տոնել Լոռու մարզում ոլորանում հայտնաբերվել է վթարված ավտոմեքենան, իսկ դրսում՝ վարորդի դին (Ֆոտո) Փաշինյանի անվերջանալի թամաշան Հարնապետությունում առաջիկա 5 օրվա եղանակի կանխատեսում
15 անկրկնելի տարբերակ, թե ինչպես կարող եք շատ քիչ գումարով նոր շունչ հաղորդել հին ու անշուք կահույքին (Photo) Հղիությունը թաքցնող Մերի Մակարյանից մինչև «հղիանալ» ցանկացող Անի Երանյան․ ինչ էր կատարվում հայ շոուբիզնեսում այս շաբաթ (... Եթե դուք ունեք այս գիծը ձեր ձեռքի ափի մեջ, ապա դուք շատ բախտավոր եք․ ահա թե ինչու Անաստասիա Վոլոչկովան բիկինիով շպագատ է իջել Դուբայի հայտնի երկնաքերի ֆոնին Արդյո՞ք նրանք ճիշտ են վարվել.մարդիկ խիստ քննադատում են թզուկ զույգին այս քայլի համար 10+ նկարազարդում, որոնք ցույց են տալիս սիրո ուժն ու սիրահարված լինելու ամենազգացմունքային պահերը «Ինձ ուղղակի խայտառակում են».Ժաննա Բուտուլյանը` Հանրայինի հետ առաջացած խնդրի մասին. Tert.am Life Ցանկացած առաջարկի դեպքում ինձ առաջնայինը հետաքրքրում է, որ բաց (էրոտիկ) տեսարաններ, թեկուզ չափի մեջ, չլինեն. Ալինա Ավետի... Մազերի առկայությունը ականջի վրա՝ նախազգուշացնող նշան է. ի՞նչ է դա նշանակում Ձեր ճակատագիրը մեկ նկարում․ 96%-ով ճշգրիտ թեստ
website by Sargssyan