40 երաժշտախմբեր առաջիկա երկու օրերին հանրապետության տարբեր մարզերում հանդես կգան համերգային ծրագրերով

Երևանի Հանրապետության հրապարակում կայացած ֆլեշմոբով տրվեց «Հայաստան, ի՛մ սեր» խորագիրը կրող միջոցառման մեկնարկը: Ֆլեշմոբին մասնակցում էր նաև Հայաստանի Հանրապետության մշակույթի նախարար Արմեն Ամիրյանը:

Երգի և պարի տարբեր անսամբլներ Հանրապետության հրապարակի «քարե գորգի» վրա կատարեցին ազգային տարբեր պարեր: Այնուհետև երգի և պարի անսամբլները ավտոբուսներով ուղևորվեցին հանրապետության տարբեր մարզեր: Հանրապետության 40 մեծ ու փոքր համայնքներում դեկտեմբերի 2-3-ը «Հայաստան, ի՛մ սեր» խորագրով աննախադեպ համերգաշար է նախատեսված, որով կեզրափակվի «Մշակութային կանգառ»-2017 միջոցառումների շարքը:

Լրագրողների հետ զրույցում ՀՀ մշակույթի նախարար Արմեն Ամիրյանն ընդգծեց, որ այս տարվա սկզբից սկսել են «Մշակութային կանգառ» ծրագիրը, գոհունակությամբ նկատելով, որ հենց սկզբից հայտնվել են աջակիցներ, ինչի շնորհիվ հնարավոր է եղել կազմակերպել 426 մշակութային կանգառ հանրապետության տարբեր մարզերում, գյուղերում և քաղաքներում: «Սա շատ կարևոր ծրագիր էր մի քանի նկատառումներով: Առաջինը, որ մենք փորձեցինք բեռնաթափել Երևանը մշակութային ագրեսիայից և մեր ողջ մշակութային արսենալն ուղղեցինք մարզեր, համայնքներ, հեռավոր գյուղեր, որոնք վաղուց կարոտ սրտով սպասում էին մեր մշակութային գործիչներին»,- «Արմենպրես»-ի փոխանցմամբ` նշեց Ամիրյանը:

Նախարարն ընդգծեց, որ որոշ առումով լուծվել է մշակութային օջախների խնդիրը` հավելելով, որ լքված դահլիճներն այնքան էլ լավ բան չէ: «Մենք կարողացանք այդ դահլիճները մեր երաժիշտների, մշակութային գործիչների, թատերախմբերի, համերգային ծրագրերի միջոցով լցնել բովանդակությամբ: Տարվա ընթացքում մենք ունեցանք նաև 200-ից ավելի կինոդիտումներ շարժական կինոթատրոններով, որը ձեռք բերեցինք Չինաստանի դեսպանատան աջակցությամբ»,- ասաց նախարարը:

Նա նշեց, որ 40 երաժշտական խումբ դեկտեմբերի 2-ին մեկնում են հանրապետության տարբեր մարզեր` շեշտելով, որ առաջիկա երկու օրերի ընթացքում Հայաստանի տարածքում լինելու է մշակութային հրավառություն: «Մեզ համար կարևոր է արթնացնել մարզում, հեռավոր գյուղում ապրող երեխայի երևակայական աշխարհը, մեր հանրապետության քաղաքացուն հնարավորություն տալ հաղորդակցվել ժամանակակից արվեստի հետ: Սա է հիմնական նպատակը, որը, կարծում եմ, մենք տարվա ընթացքում կարողացել ենք փայլուն իրականացնել»,- ընդգծեց Ամիրյանը:

Նախարարն ուրախությամբ նշեց, որ տարվա ընթացքում իրենց միացել են նաև այն երաժշտախմբերը, որոնք պետական հոգածության տակ չեն: Նրա խոսքով` շատ ուրախալի է, որ նրանք ևս, ոգևորվելով և գաղափարը կարևորելով, միացել են իրենց: «Հույս ունեմ, որ մենք կկարողանանք հաջորդ տարի հավասարապես նրանց բաժանել այն կոլեկտիվները, որոնք պետական հոգածության տակ են, և այն կոլեկտիվները, որոնք պետական հոգածության տակ չեն: Պետական հոգածության տակ չգտնվող երաժշտական խմբերին մենք ուղղորդում ենք, որ նրանք տեղերում կարողանան ստեղծել մշակութային միավորներ, որպեսզի մենք կարողանանք նրանց վճարել: Ուղղորդելով մշակույթը հեռավոր գյուղեր` մենք կարողացանք մարզերում արթնացնել մշակութային կյանքը և տեղում գտնել մասնագետներ, որոնք կստեղծեն մշակութային միավորներ: Յուրաքանչյուր ամիս ստեղծված միավորի ղեկավարին մենք ֆինանսավորում ենք, նաև փորձում ենք հասկանալ, թե որքան շահառուներ են ներգրավվել այդ ծրագրերի մեջ: Այսօր մենք ունենք խեցեգործության, գորգարվեստի, գեղանկարչության, պարի, երգի, թատերական տարբեր խմբեր, որոնք աշխատում են տարբեր մարզերում և գյուղերում»,- ասաց Արմեն Ամիրյանը` շեշտելով, որ սա հենց «Մշակութային կանգառ» միջոցառումների շարքի բուն արդյունքն է, որը հնարավոր է եղել ստանալ:

Loading...
loading...
Գերմանիայի փոխչեմպիոն «ՌԲ Լայպցիգը» դարձյալ չհաղթեց Թուրքիայի ԶՈւ-ն կմտնի Սիրիայի քրդաբնակ Աֆրին շրջան այն ժամանակ, երբ ցանկանա. Չավուշօղլու Մոսկվայից Ցյուրիխ թռչող ինքնաթիռը չնախատեսված վայրէջք է կատարել Զիդան. Մենք չենք հաղթի միայն այն պատճառով, որ «Ռեալն» ենք ՀԱՄԱՍ-ը երրորդ ինտիֆադա է հայտարարել Իսրայելին Նյու Յորքի պայթյունի կազմակերպչին ահաբեկչության մեջ են մեղադրել Պոգբա․ Ունեի առաջարկ «Ռեալից», բայց չեմ ափսոսում, որ վերադարձել եմ «Մանչեսթեր Յունայթեդ» Համաշխարհային բանկը երկու տարի դադարեցնելու է նավթի եւ գազի նախագծերի ֆինանսավորումը Թուրքիայում հեղաշրջման փորձից հետո աշխատանքից ազատվել է ՆԳՆ շուրջ 15 000 աշխատակից Օզբիլիսը «Բեշիքթաշի» կազմում գոլի հեղինակ է դարձել երկարատև դադարից հետո Թրամփը ստորագրել է 2018-ի պաշտպանական բյուջեն Կոնգոյում ավելի քան 400 000 երեխա կարող է մահանալ սովից. ՅՈւՆԻՍԵՖ «Չելսին» կփորձի ձեռք բերել Լեմարին Թիլերսոնը «հիբրիդային պատերազմ» է անվանել ՌԴ քաղաքականությունը Մարին Լե Պենի կուսակցությունը մեղադրվել է Եվրոպական Խորհրդի միջոցները վատնելու համար Մոուրինյուն խոսել է Մանչեսթեր Սիթիի հետ խաղից հետո վիճաբանության մասին Ռուս դիվանագետները հեռացել են Եմենից Մալթայում ՀՀ դեսպանը պարգևատրվել է Մալթայի Ուխտի արժանիքների համար մեծ խաչով «Լացիոն» մտադիր է դադարեցնել ելույթներն Իտալիայի առաջնությունում Իսրայելի բանակը հերքում է Գազայի հատվածում 2 պաղեստինցու մահվան պատճառ դարձած ավիահարվածի մասին լուրը
website by Sargssyan